CAGAYAN DE ORO CITY-Nakauban na sa upat ka sibilyan ang ilang tagsa-tagsa ka pamilya nga nabulag kanila sa kapi’g upat ka bulan sukad nahitabo ang kagubot sa Marawi City.
Kini human naluwas sa militar ang mga bihag nga kanhi gihuptan sa teroristang Maute-ISIS SA maong syudad.Giila ni Lanao del Sur Provincial Crisis Committee spokesperson Zia Alonto Adiong ang mga biktima nga sila si Abdul Naser Ergas Mangondaya;Hadji Abdulah Necson Rakim Anunto;Kiram Dato Amkula Ampatoa ug si Lordvin Acopio.
Nasayran nga si Acopio ang empleyado sa kanhi usab bihag sa mga terorista nga si Fr Chito Suganob dihang sila gidagit samtang nagtago sa St Mar’ys Cathedral niadtong Mayo 23 ning tuiga.
Sa pikas bahin,gipaniguro ni Mayor Aslanoi Balt nga dili na subli ang pagpanghasi sa armadong pundok sa ilang lungsod sa Bayang,Lanao del Sur sa miaging semana.
Kini human mihimo’g kagubot ang anaa sa 20 hangtod 60 ka mga suspek nga nakasul-ob sa itom t-shirt, pantalon ug naka-bonnet diin naghatag kalisang sa ilang katwahan.
Miingon si Balt nga gipahugtan pa nila ang ilang pagbantay sa entrance ug tanan lusutanan sa ilang lugar.
Una niini, gibabalaka ni Balt nga posibleng nagtago sa ilang lungsod ang pipilak ka sakop sa Maute ISIS terror group naka-eskapo sa Marawi City.(kuyog sa report ni Bombo Laurence Geralde Jr).
