CAGAYAN DE ORO CITY-Boluntaryong mitahan ang lima ka miembro sa New Peoples Army dala ang ilang high-powered firearms sa PNP-10 sa Camp Alagar, Lapasan ning syudad.
Matud ni PNP regional spokesperson Supt Lemuel Gonda nga ang nasinatiang kalisod ug mga walay pulos nga pasalig sa revolutionary movement ang nagtukmod nga motahan sila si Marlon Talisik, Rodolfo Talisik Jr, Bebert Damasco Jr, pulos nagpuyo sa Brgy Casisang, Malaybalay City; Arnel Salahag Diwangan ug Mablet Timbangan nga taga Brgy Canangaan, Cabanglasan, Bukidnon.
Sa ilang pagtahan, dala nila ang ilang 5.56 caliber pistol, M-14 sniper riffle, Rifle carbine caliber 30 ug duha ka shotgun.
Anaa sa P140,000 ang kantidad sa mga armas nga gitahan sa mga kanhi rebelde.
