CAGAYAN DE ORO CITY-Ralihan sa Alliance of Concerned Teachers o ACT partylist -Northern Mindanao ang Dept of Budget and Management o DBM-10 diha sa Brgy Bulua ning syudad sunod semana.
Kini aron ipaabot ang ilang pagsaway ug kadismaya kang DBM Sec Benjamin Diokno nga kusganong mibabag sa usbaw sa suhulan alang sa mga magtutudlo ning tuiga.
Miingon si ACT partylist Northern Mindanao president Ophelia Tabacon nga ipaabot nila ang mensahe kang Pres Rodrigo Duterte kon nganong wala sila malakip sa gihataga’g salary increase sama sa PNP ug AFP.
Una nang giklaro ni Diokno nga nasayop si Presidential spokesperson Harry Roque sa pag-ingon nga makadawat sa usbaw ang mga magtutudlo ning tuiga ilabina nga pasado na ang annual budget ning tuiga.
