CAGAYAN DE ORO CITY- Gibuhian na sa Jasaan Police Station ang mga suspek nga giingong responsable sa pagmasaker patay sa magtiayong senior citizen diha sa Sitio Kimamaon, Brgy Kimaya,Jasaan,Misamis Oriental.
Matud ni Jasaan Police Station commander C/Insp Rogelio Labor Jr nga ilang temporaryong gibuhian ang wala hinganling suspek tungod kay wala sila’y nakuha nga lig-ong ebidensya nga magdu-ot sa iyang nahimong krimen.
Apan, gipanganti ni Labor nga dili pa abswelto sa kaso ang mga suspetsado.
Hisayran nga una ang gipatay ang magtiayong Victorio ug Adelaida Ipolan sulod sa ilang panimalay.
