CAGAYAN DE ORO CITY- Nadakpan pinaagi sa joint operation sa Ozamiz City Police Station ug Philippine Army ang Secretary General sa Communist Party of the Philippines sa Bernard Subd,City Hall Drive, Brgy. Aguada, Ozamiz City,Misamis Occidental.
Detinado na sa Bureau of Jail and Management and Penology sa Brgy. Tinago, Ozamiz City ang wanted person nga si Rommel Salinas, 45 anyos ug walay permanenteng address.
Si Salinas ang adunay naka-pending nga warrant of arrest tungod sa kasong frustrated murder ug destructive arson nga gi-isyu ni Judge Dan Calderon,Presiding Judge of Regional Trial Court, Branch 32, 10th Judicial Region,Dinagat Island, Surigao City, niadtong Oktubre 21, 2013.
Temporaryong makaggawas sa bilangguan ang suspek kon makabayad sa P200,000 bailbond nga gi-rekomenda sa korte.
