CAGAYAN DE ORO CITY-Nagtoo ang 4th ID Philippine Army nga dako’g natabang sa kampaniya sa gobyerno batok sa insurhensiya ang deklarasyon ni Presidente Rodrigo Duterte nga terorista ang mga New People’s Army.
Si 4th ID spokesperson 1Lt Teresita Inghente miingon nga sukad gitawag ni Presidente Duterte nga terorista ang mga NPA, ubay-ubay na ka miembro niini ang boluntaryong mitahan sa ilang kaugalingon dala ang mga armas.
Una nang gipasaligan ni Duterte nga hatagan og P50-mil ingon man livelihood assistance ang mga motahan nga rebelde.
Samtang dili mohatag komento si 4th ID spokesperson Inghente kung nagpadayon pa ba ang re-grouping sa mga teroristang grupo sa tibook Mindanao.
Siya miingon nga ang mga tropa nila nga anaa sa ground lamang ang adunay katungod magkumpirmar kon nagpadayon ba ang re-grouping sa mga terorista.
Una nang gibutyag ni Inghente nga wala sila’y namonitor nga mga recruitment sa mga walhong grupo.
