CAGAYAN DE ORO CITY-Gilimitahan na sa mga negosyante sa tulo hangtud lima ka kilo ang ilang ibaligya nga NFA rice sa matag konsumante dinhi sa syudad.
Epekto kini sa temporaryong pagpahunong sa National Food Authority o NFA sa pagbaligya’g mga bugas sa ilang accredited rice retailers tungod sa kakulangon sa suplay.
Sumala sa negosyanteng si Joel Capunto nga niadto pang bulan sa Disyembre nila nasinatian ang kakulangan sa suplay sa ahensiya tungod kay apektado na ang ihap sa ilang gaangkaton kun diin gikan sa 70 ka sako, gihimo nalang 40 matag semana.
Tungod niini, napugos sila nga tas-an ang presyo sa bugas diin gikan sa P27.00 nahimo na kining P32.00 matag kilo.
