PC:Owner
CAGAYAN DE ORO CITY-Business as usual gihapon ang mga personahe sa City Hall taliwala sa miggawas nga reports nga adunay gisilbi nga dismissal order gikan Ombdusman ang DILG-10 batok kang Mayor Oscar Moreno kagahapon sa hapon.
Si City Administrator Teddy Sabugaa miingon nga wala sila’y nadawat nga report nga adunay laing dismissal order nga gisilbi batok kang Moreno.Dugang pa niini nga wala siya’y kasayuran kon kinsa naggikan ang maong report.
Gani, busy siya sa mga sunod-sunod nga meetings nga iyang tambungan. Samtang, giangkon ni City Councilor Jay Pascual nga nakadungog siya’g balita nga adunay gisilbi nga dismissal order gikan Ombdusman ang DILG-10 batok kang Moreno.
Apan siya miingon nga wala na siya’y nahibal-an nga dugang detalye kalabot na sa dismissal order tungod kay wala sila pahibal-a niini atol sa ilang gihimong session kagahapon.
Una niini, milugwa ang report nga mismo ang bag-ong asst regional director kuyog ang legal officer sa DILG-10 ang giingong mi-silbi sa mando batok Moreno kagahapon sa hapon.
