CAGAYAN DE ORO CITY-Nag-atubang sa kaso ang usa ka high value target nga babayeng Maranao human makuhaan sa droga sa Block-13, Lot-10 Xavier Heights, Upper Balulang ning syudad.
Sumala ni City Drug Enforcement Unit o CDEU head Sr/Insp Maricris Mulat nga ilang nadakpan pinaagi sa drug buy-bust operation ang suspek nga si Molly Rashid Ali, 43-anyos ug residente sa maong lugar.
Si Ali usa ka negosyante sa kauluhan apan gibiyaan ang iyang negosyo ug dinhi nagpuyo sa syudad.
Nakumpiskar sa posisyon sa suspek ang 50 gramos na gitoohang drogang shabu nga nagkantidad sa P300,000.00.
