CAGAYAN DE ORO CITY-Gibarugan sa SITG-Rotoras nga kabahin sa hired killers ang nakasuhan nga suspek nga unang nasikop sa NCR-PNP sa Makati City sa miaging semana.
Kini human may pipila nga nagduda nga igo lamang gisikop si Johnriel Gamanay,33 anyos nga taga- Zamboanga del Sur kay na presyur na ang SITG pagsulbad sa kamatayon ni USTP president Dr Ricardo Rotoras.
Gibutyag ni SITG-Rotoras spokesperson C/Insp Mardi Hortillosa nga mas masayod ang NCR-PNP hinungdan nga gisikop pinaagi sa warrant of arrest si Gamanay.
Namugos si Hortillosa nga notado nga gun- for-hire si Gamanay hinungdang may mando ang korte nga ipasikop tungod sa mga kasong pagpatay niini sa Ozamiz City.
