CAGAYAN DE ORO CITY-Naila na ang babaye nga namatay human bangga-i sa Maranao Muslim samtang nagbaklay diha sa dalang Gomez-Velez ning syudad sa miaging kadlawon.
Giila ni PO2 Marcia Echeveria sa Divisoria Police Station ang biktima nga si Delia Silmonan,55 anyos,minyo ug nanimuyo sa syudad.
Naila ang biktima tungod usab sa pagpatim-aw sa bana niini dihang nasayran nga naligsan kini sakyanan nga gimaneho ni Ryan Dimakuta nga taga-Iligan City.
Si Dimakuta kinsa empleyado sa museum researcher sa Mindanao State University o MSU-Marawi ang hubog nagmaneho hinungdan nabanggaan niini si Silmonan ug laing Joseph Ampong nga taga-Brgy 24 ning syudad.
Gikompirmar usab ni Echeveria nga magkaila si Silmonan ug Ampong kinsa nagpaalim pa sa provincial hospital ning syudad.
