CAGAYAN DE ORO CITY-Gitay-og sa laing krisis politika ang Iligan City.

Kini human midagsa ang political supporters ni Iligan City Mayor Celso Regencia human pugsanon nga gipatuman ni DILG regional director Arnel Agabe ang kamanduan sa Sandigabayan 7th Division nga isuspenso sulod sa 90 dias si Regencia.

Gitug-an ni Iligan City Information Officer nga gipahibalo nila ang mga residente kalabot na sa pag-apurar ni Agabe nga malangkat sa buhatan si Regencia.

Una niini, gipamugos ni Agabe nga wala magkulang ang legal counsel sa ilang mayor sa pagsumitar sa Motion for Reconsideration human nagpalugwa ang tulo ka state prosecutors nga isuspenso ang ilang mayor niadto pang Marso 2018.

Gibasol sa mga abogado ni Regencia ang buhatan sa DILG-10 tungod sa ilang “negligience” sa trabaho.