CAGAYAN DE ORO CITY-Patay ang upat ka tawo samtang 11 ang samaron sa laing bangga tali multicab ug truck van sa Brgy Maloko,Manolo Fortich,Bukidnon.
Kini human unang nag-counter flow ang multicab nga padulong sa Misamis Oriental hinungdan nasungag sa kasugat nga truck nga iya ni Juanito Lavinia sa Valencia City sa maong lugar kagahapong adlawa.
Giila ni PO2 Ronjen Ogsiro,traffic investigator sa Manolo Fortich Police Station ang mga namatay nga sila si Narcisa Balong;Otelo Saduton,Sandra Abecia ug anak niini nga 6-months old nga si Sadecon nga tanan taga-Maramag,Bukidnon.
Gawas niini,samaron usab ang laing 11 ka biktima nga nadala sa ospital sa maong lungsod.Sang-atan sa tulo ka kasong kriminal ang driver ni Lavinia sa piskalya sa Bukidnon sunod semana.
