CAGAYAN DE ORO CITY-Patay ang amahan dihang nahulog sa gitungtungan nga kahoy samtang may gitrabaho sa balay sa Brgy Aplaya, Jasaan, Misamis Oriental.
Giila ni Jasaan Police Station commander C/Insp Rogelio Labor ang biktima nga si Padre Galan, hingkod ang panuigon, minyo ug nagpuyo sa maong lungsod.
Dunay giayo ang biktima dihang disgrasyang nabali ang gitungtungan niini nga kahoy hinungdang nahulog ug nabunal ang ulo.
Gidali pagdala sa Northern Mindanao Medical Center ang biktima apan patay nang naatiman sa mga doktor kagahapon sa hapon.
