CAGAYAN DE ORO CITY-Gibaharan ni City Mayor Oscar Moreno ang pipila ka motorela drivers nga dili una mangulekta’g usbaw sa pletehan kon wala pa kanila ang opisyal nga fare matrix gikan sa city hall.
Gihimo ni Moreno ang pasidaan tungod sa pipila na ka reklamo sa mga pasahero nga may mga driver nang naningil sa 7 pesos nga pletehan bisan wala pa kanila ang taripa.
Gibutyag ni City administrator Teddy Sabugaa nga angayang gilayong i-report sa mga pasahero kon dunay mga driver nga naghimo niini aron mapahamtanga’g silot subay sa balaod.
Gani,ipatawag ni Sabugaa ang mga asosasyon sa mga rela aron matuki ang mga suliran nila nga gipang-atubang sunod semana.
