CAGAYAN DE ORO CITY-Nasunog ang motor pool sa DENR-10 sa Brgy Macabalan ning syudad.
Gibutyag ni SFO1 Imelda Barasan,imbestigador sa Bureau of Fire Protection gikonsiderar nila ang posibleng electrical short circuit ang hinungdan sa sunog.
Gikompirmar usab niini nga tulo ka bata sa empleyado sa DENR nga si Eljer Patinio ang diriyot masunog sa motor pool diin nagsumikad ang kalayo.
Mitala sa inisyal nga uno punto dos milyon pesos ang damyos sa gambalay diin naglakip usab sa duha ka sakyanan sa ahensiya kagabii.
Samtang gihupay ni DENR regional director Arleigh Adorabli ang publiko nga pabiling bukas ang ilang buhatan ugmang adlawa.
Giklaro ni Adorabli nga pabiling normal ang operasyon sa DENR-10 kay bugtong apektado lamang ang motor pool sa pagkasunog kagabii.
Namugos usab ang direktor nga walay nagpuyo sa nasunog nga gambalay bisan dunay tulo ka bata nga diriyot malukong sa sunog kon wala pa maluwas sa residente nga si Ronnie Achay sa maong luga kagabii.
