CAGAYAN DE ORO CITY-Gikompirmar sa City Health Office nga tulo na ang namatay samtang 300 ang nagpositibo sa dengue dinhi sa syudad.
Apan bisan paman niini, gitin-aw sa maong ahensiya nga miubos ang kaso sa maong sakit kun itandi sa miaging tuig.
Matud ni City Health Office Sanitation Inspector Cerio Ramon Bautista, nga tungod sa ilang hugot nga kampaniya batok sa maong sakit panahon sa ting-ulan, miubos ang ihap sa mga natakbuyan sa dengue.
Gipahimangnuan ni Bautista ang publiko nga imintinar ang kalimpyo sa palibot aron malikayan ang mga lamok nga nagdala sa dengue.
