CAGAYAN DE ORO CITY-Nanawagan ang Department of Health (DoH) sa publiko nga batasanon ang pag-inom og 3 ka litro nga tubig matag adlaw.
Kini sa tumong nga mahugasan ang atong kidney ug makalikay sa mga sakit.
Si Gemma Simene, Program Coordinator of Renal Diseases Control Program of DoH-10 miingon nga gikan sa 8 glasses of water matag adlaw, mas maayo nga i-maintain ang 3 liters of water aron segurado nga malimpyohan ang kidney.
Sya miingon nga kinahanglang ampingan ang atong kidney aron dili kini dali matakdan og sakit.
Gihangyo usab niini ang publiko nga likayan ang pagkaon sa mga parat ug sobra katam-is kay makadaut kini sa kidney.
