PC:Owner
CAGAYAN DE ORO CITY-Kasuhan sa kapolisan ang 11 ka giingong galamay ni detained Ozamiz City Councilor Ricardo ‘Ardot’ Parojinog tungod sa pasangil nga nakuhaa’g 24 milyon pesos nga suspected shabu sa Ozamiz City.
Kini human gisilbi ni Ozamiz City Police Office commander C/Insp Jovie Espenido ang 15 ka search warrants batok sa lima ka miembro sa pamilyang Luansing sa magkalahing brgy sa maong syudad.
Miingon si Espenido nga anaa sa dili mominus tulo ka kilong shabu ang nakuha samtang daghang eksplosibo ug mg armas ang nadiskobre sa mga balay sa suspek.
Kabahin sa nalusob sa kapolisan ang mga balay nila ni Boy Luansing;Tinay Luansing;Rufina Luansing,Ruben ug Analyn Luansing diin nagsumikad ang daghang shabu ug mga armas.
Nasayran nga ang mga suspek kabanay ni Ozamiz City Mayor Girlet Luansing kinsa konektado usab sa dinakpan nga si resigned Misamis Occidental board member Mena Luansing nga live-in partner ni Ardot Parojinog.
