CAGAYAN DE ORO CITY-Gidayeg sa Malakanyang ang grupo ni Ozamiz City Police Office commander C/Insp Jovie Espenido sa 24 milyon pesos nga shabu gikan sa pamilyang Luansing sa Ozamiz City.
Kini human gisilbi ni Espenido ang 15 ka search warrants batok sa maong pamilya hinungdan nakuha ang dul-ag tulo ka kilo sa shabu ingon man eksplosibo ug mga armas.
Miingon si Presidential spokesperson Harry Roque nga ang lakang ni Espenido ang epekto lamang sa walay hunong nga kampanya batok sa gidiling droga dinhi sa nasud.
Nasayran nga ang mga Luansing unang gitumbok nga konektado sa mga Parojinog sa Ozamiz City.
