CAGAYAN DE ORO CITY – Nailhan na sa militar ang grupo sa mga rebeldeng New Peoples Army (NPA) nga ilang na-engkwentro sa Mat-i, Claveria Misamis Oriental nga gikaangol sa usa ka sundalo.
Sa pakighinabi sa Bombo Radyo, gibutyag ni 58th IB,PA commanding officer Lt. Col. Roy Anthony Derilo nga gipangulohan sa tulo ka mga commander sa NPA nga sila si commander Uno, Jakim ug Bulao ang opensiba nga ilang gihimo kagahapon sa buntag.
Si Derilo miingon nga nagpasabot lang nga mihuyang na ang puwersa sa mga armadong grupo tungod kay nagsanib-pwersa na ang ilang grupo sa pag-atake sa militar.
Una nang gikumpirmar ni Derilo nga ilang gipahugtan karon ang seguridad sa Bukidnon area aron dili maka-eskapo ang mga rebelde.
