CAGAYAN DE ORO CITY – Malampusong nadakpan sa mga operatiba sa Agora Police Station ang usa ka lalaki nga namaligya sa peke nga salapi o counterfiet bills, sa Miranda Bldg., Chavez St, Barangay 3, ning syudad.
Sa pakighinabi sa Bombo Radyo kang Police Major Julius Macariola, iyang giila ang suspek nga si John Nathaniel Loprez, alyas “Tonix”, 35 anyos, computer encoder, residente sa Xavier Ecovill, Brgy. Lumbia.
Nakompiskar sa iyang posisyon ang napulo ka tag- P1000 nga kwartang papel ug P10,000 nga boodle money nga gigamit sa mga operation sa buy bust operation.
Nagpadumdum si Major Macariola sa tanan nga consumers ug negosyante nga magmabinantayon batok peke nga salapi ilabe nga nagkaduol na ang Pasko ug Bag-ong Tuig.
