CAGAYAN DE ORO CITY – Patay ang usa ka 19 anyos nga ulitawo human maghikog sulod sa iyang lawak sa Purok 8A, Barangay Tambacan Iligan City.
Namahayag si Police Lt. Rodney Gere, sa Iligan City Police Offfice – Station 4 nga nakita sa iyang igsoon nga babaye ang nagbitaw nga lawas sa biktima nga si Janberto Burgos, usa ka construction worker ug residente sa maong dapit.
Sa pagresponde sa mga otoridad, nakita nila nga gitangtang na ang nylon nga pisi gikan sa li-og sa biktima ug gipahigda na kini sa iyang katre.
Namugos nag igsoon sa biktima nga si Mary Jane nga hubog nga mi-uli ang iyang igsoon ug nasayran nga nakig-inom kini sa iyang mga higala tungod kay gibulagan sa iyang hinigugma.
Mihangyo ang pamilya sa biktima sa SOCO nga dili na ipa-otopsiya ang lawas niini ug namugos nga walay foul play sa hitabo.
