CAGAYAN DE ORO CITY (update) – Diriyot mabilanggo ang usa ka pastor human makabangga sa usa ka empleyado sa City Local Environment and Natural Resources Office o CLENRO sa Sayre highway Purok 1, Dicklum, Manolo Fortich, Bukidnon, kaganina sa kadlawon.
Sa pakighinabi sa Bombo Radyo kang Police Lieutenant Colonel Duphar Chris Cuaresma, iyang giila ang biktima nga si Nova Mae Montecillio, 27 anyos, dalaga, trahante sa CLENRO-Bukidnon, ug residente sa Kibangay Lantapan.
Namahayag si Col. Cuaresma nga kalit mibangga ang multicab sa biktima nga gimaneho ni Poloy Rumulo, 49 anyos, usa ka pastor ug residente sa Kisolon, Sumilao, Bukidnon.
Base sa inisyal nga report, nakahi-agom sa pagkabali sa bukton ang biktima.
Milanding sa amicable settlement ang kaso.
Sa pagkakaron, ang biktima padayong nagpa-alim sa Bukidnon Provincial Annex, San Miguel, Manolo Fortich.
