CAGAYAN DE ORO CITY – (update) Sapon sa akto ang usa ka police nga namaligya sa druga sulod sa usa ka boarding house sa Phase-19,
Poblacioin, Valencia City, Bukidnon, kaganina sa kadlawon.
Sa interbyu sa Bombo Radyo kang Police Lt. Col. Surki Sereñas, iyang giila ang nadakpang pulis nga si Patrolman Michael John Ondap, 33 anyos,
residente sa Kisanday, Maramag ug kasamtangang nadestino sa Manolo Fortich Munisipal Police Station.
Kuyog nga nasikop ang higala sa suspek nga si Glenn Vincent Valendez, walay trabaho ug residente Phase-1, Kiharong, sa susamang dapit.
Nakuha sa posisyon sa mga suspek ang duha ka gamay ug daku nga pakete sa shabu nga nagkantidad P15-mil pesos.
Gikompiskar sab sa mga operatiba sa Valencia CPS ang 9mm pistol ug 15 ka bala gikan sa pulis-pusher, lakip na ang iyang motorsiklo.
