CAGAYAN DE ORO CITY – Landing sa prisohan ang 40 anyos nga negosyante sa gilusad nga drug buy bust operation sa Regional Drug Enforcement Unit (RDEU) sa Police Regional Office 10, didto sa Medina Misamis Oriental, kaganina sa hapon.
Giila ni PRO-10 regional director Brig. General Rolando Anduyan ang nasikop nga si Kristoffer Exzur Pilapil Barcelona Pilapil , residente sa Purok 5 Brgy South Poblacion, Medina, Misamis Oriental.
Nakuha sa iyang posisyon ang 25 gramos sa shabu nga nagkantidad sa P170,000.
Hisayran nga kapin duha ka bulan gipaubos sa surveillance ang ilegal nga kalihukan sa maong suspek.
