CAGAYAN DE ORO CITY – Patay ang lalaki human gipusil sa mga wala mailang suspek gawas sa bulangan diha sa Purok 1, Brgy Lagtang, Alubijid,Misamis Oriental.
Giila ni Alubijid Police Station commander Capt Bermil Alinas ang namatay nga si Wendyl alyas Botoy Roda samtang naangol ang igsoon niini nga si Lyndel Roda.
Si Alinas miingon nga nakasul-ob sa helmet ug itom nga jacket ang suspek. Lakip nga gipusil sa suspetsado ang igsoon sa biktima human niini gisumbag ang gunman.
Nakaangkon sa upat ka samad sa ulo ang biktima nga maoy hinungdan sa iyang kamatayon. Hisayran nga ang suspek ang kanhiay nag-atubang sa kasong murder.
