CAGAYAN DE ORO CITY – Malampusong nasikop sa Iligan City Police Office Station 1 pinaagi sa pagsilbi sa search warrant ang usa ka negosyante sa STL Swertres human kini gireklamo nga nagbaton sa daghang armas ug bala.
Sa interbyu sa Bombo Radyo kang Police Major Rixel Torayno, iyang giila ang nadakpan nga si Jason Sanchez Nadayag, hingkod ang edad ug residente sa P-2A, Brgy. Luinab, Iligan City.
Nakuha sa posisyon sa suspek ang usa ka 9mm nga pistola kolor abo nga dunay walo ka bala, usa ka shotgun nga loaded sa 6 ka bala, usa ka silencer, 1 ka barrel bolt sa super 38, 1 ka barrel bushing, tolo ka magazine nga loaded sa 25 ka bala sa super 38 ug duha ka magazine nga loaded sa 17 ka buhing bala.
Gidakop si Nadayag tungod sa paglapas sa RA 10591 kon ilegal possession of firearms and ammunitions.
