CAGAYAN DE ORO CITY – Patay ang motorista human gikabangga niini ang dumptruck sa Purok 12, Maupa, Base Camp, Maramag,Bukidnon.
Giila ang biktima nga si Glen Orag Ortea, 41-anyos ug molopyo sa Purok 7, Kalagutay sa maong brgy.
Gibutyag ni Capt. Sebino Labitad, Officer in Charge sa Maramag Police Station nga nagtagbo ang duha ka sakyanan ug pag-abot sa kurbadang bahin, milapas sa pikas linya ang motor nga miresulta sa aksidente.
Daling gidala sa ospital ang biktima apan gideklara sa mga doktor nga nakabsan na sa kinabuhi.
Naka-kustudiya na ang dump truck driver nga si Rey Novecia Fernandez, 20 anyos ug taga Camp 1 sa maong lungsod.
