CAGAYAN DE ORO CITY – Gitahasan ni Dr Jose Chan nga idumala ni Dr Ramon Moreno ang Northern Mindanao Medical Center o NMMC samtang kini naka-officially on leave sa iyang trabaho.
Kini samtang gihulat usab ni Chan ang pag-aprobar ni DoH Sec Francisco Duque III sa iyang aplikasyon sa early retirement ning tuiga.
Miingon si NMMC liason officer Dr Bernard Rocha nga wala pasagdi ni Chan ang pagpadagan sa ospital bisan kon gusto na niini nga mo-retiro sa serbisyo.
Gihimakak ni Rocha nga dunay laing mga rason kon nganong kalit ang paghawa ni Chan bisan sa suliran sa coronavirus sa nasud.
