CAGAYAN DE ORO CITY – Naka-tabang aron mawagtang ang stress nga gibati sa usa sa mga sakop sa media rason nga milambigit kini pagpakuha’g dugo sa Dugong Bombo New Normal diha sa Brgy 40 ning syudad.
Kini ang gibutyag ni Nef Luczon sa iyang walay hunong pagpaluyo sa kalihukan sa Bombo Radyo ug sa city govt aron makatigom sa igong ihap sa dugo.
Miingon si Luczon nga gusto usab niya mamintar ang kahimsog sa panglawas samtang gisinati ang pandemya sa coronavirus sa nasud.
Anaa sa 52 ka tawo ang nakuhaan sa dugo sa gihimong kalihukan.
Samtang gikalipay sa Philippine Red Cross Northern Mindanao ang inisyatiba sa hiniusang gipatuman sa Bombo Radyo Philippines ug local nga pangagamhanan ning syudad.
Miingon si PRC Northern Mindanao blood manager Dra Christina Pelaez nga dako na’g ikatabang ang natigom nga dugo sa gilusad nga Dugong Bombo New Normal.
Gipasalig usab ni Pelaez nga luwas batok sa bayrus ang mga tawo nga modagsa sa proyekto.
Ilusad ang ikaduhang hugna sa proyekto sa Brgy Puntod ning syudad sa umaabot adlaw’ng Sabado.
