CAGAYAN DE ORO CITY – Gusto ni Cagayan de Oro 2nd District Rep Rufus Rodriguez nga mohawa na sa katungdanan ang mga opisyales nga giakusahan nga nalambigit sa multi-billion corruption sulod sa Philhealth.
Kini kon may nabilin pa nga delikadisa ang maong Philhealth officials pinanguluhan sa ilang presidente nga si retired AFP Gen Ricardo Morales.
Gihagit usab ni Rodriguez ang Presidential Anti-Corruption Commission o PACC nga ihatag na kang Pres Rodrigo Duterte ang mga ebedensiya kabahin sa iskandalo aron palagputon na niini ang maong govt officials.
Una niiini,nagtoo ang kongresista nga nakawat na sa pipila ka Philheath officials dakong pondo sa ahensiya kay wala na’y ikahatag alang sa mga apektadong miembro sa coronavirus disease dinhi sa nasud.
