CAGAYAN DE ORO CITY – Misaka pa sa 67 ka aktibong kaso sa coronavirus disease ang nahuptan sa syudad.
Kini human dugang siyam ka taga-Cagayan de Oro City nga gilangkuban sa locally stranded individuals ug returning OFWs nga positibo sa ilang mga swab test samtang ubos sa isolation facilities sa syudad.
Miingon si city epidimiologist Dr Joselito Retuya nga sa 189 ka kaso,155 niini ang naka-rekober batok sa maong sakit.
Dugtong usab sa maong balita,may migawas ang impormasyon sa DoH briefer nga may laing pasyente sa syudad ang namatay gumikan sa maong bayrus.
