CAGAYAN DE ORO CITY – Dili na makasulod sa trabaho ang mga empleyado sa kapitolyo ug lakip ang walo ka provincial hospitals kon walay sul-ubon nga face shields.Kini ang direktiba ni Gov Bambi Emano aron panalipdan ang mga empleyado sa bahad sa coronavirus disease.
Gitahasan niya si Provincial Administrator Atty Joy Mateo nga e-monitor ang mga empleyado nga magpasagad aro manubag sa masupak nga health protocols sa probinsya.
Una niini,gibutyag usab ni MisOr Task Force on COVID- 19 chief Dr Jerie Calingasan nga lima ka lungsod na ang nasudlan sa local transmission diin pinakaulahi ang Talisayan sa miaging adlaw.
Samtang obligahon na usab ni City Mayor Oscar Moreno ang mga residente nga magsul-ob sa face shields kon mogawas sa pinuy-anan ug mosulod sa mga balay patigayon sa syudad.
Kini sa isip pagsanong sa kamanduan sa IATF nga nagtumong pagpugong mosaka ang ihap sa mga tawo nga magpositibo sa bayrus.
Miingon si Moreno nga susama nga kamanduan ang iyang ipatuman sa pagsul-ob sa mga tawo sa face masks nga maghatag proteksyon aron dili dali matakdan sa coronavirus.
Una usab niini,gibutyag ni City Health Office head Dra Lorraine Nery nga mitala na sa 249 ang kaso sa bayrus sa syudad diin napuno ang napulo ka pasyente nga naglakip sa duha ka local transmission sa Brgy Gusa ug Kauswagan ning dakbayan.
