CAGAYAN DE ORO CITY – Gipaubos karon sa local lockdowns ang porsyon sa Brgy Kauswagan ug Brgy Puntod ning syudad tungod sa local transmission sa COVID-19.
Kini human nagpositibo ang usa ka authorized person outside residence o APOR sa NHA ug sakop sa badjao diha sa Brgy Puntod sa dakbayan.
Miingon si city epidemiologist Dr Joselito Retuya nga ubay-ubay’ng pamilya ang gidid-an nga makagawas tungod sa peligro nga dunay laing mga matakdan sa bayrus.
Nagbaton na sa 271 ka positibong kaso ang syudad tungod sa nadugang nga siyam kagahapong adlawa.
Dugtong usab niini,kasamtangang gikordon ang 146 ka tawo sa St. John Puntod human nasutang nagpositibo sa COVID-19 ang usa ka badjao nga nakaabot sa maong lugar.
Gibutyag ni Puntod Brgy Kapitan Trexie Tinampay nga gikan sa Iligan City ang maong badjao nga natakbuyan sa coronavirus.
Miingon si Tinampay nga lakip sa ilang gi quarantine ang sikad driver nga nagtabang sa badjao dihang gisakitan kinig tiyan.
