CAGAYAN DE ORO CITY – Gidid-an una ang mga biyahedor gikan sa Misamis Oriental ug Cagayan de Oro City nga makasulod sa Iligan City.
Kini tungod sa modified ECQ nga gipatuman sa inter-agency task force national tungod sa walay hunong nga pagsaka sa local transmission sa bayrus sa maong dakbayan.
Miingon si Iligan City information officer Joe Pantoja nga limitado usab ang ilang mga residente nga makagawas kon walay importanteng katuyuan tungod sa delikada nga dala sa bayrus.
Una niini,bisan si Iligan City Vice Mayor Jemar VeraCruz ug Iligan City Councilor Noli Pardillo ang kabahin sa postibo sa bayrus.
Samtang gimando karon ni City Mayor Oscar Moreno nga ipalig-on pa ang kapasidad nga pag-atiman sa paghindangat sa locally stranded individuals ug returning OFWs dinhi sa syudad ug dakbayan sa Iligan.
Kini tungod sa gilauman nga pagdaghan sa ROF ug LSIs nga modagsa sa syudad kay naka-modified ECQ ang Iligan gumikan sa taas nga local transmission cases sa coronavirus disease.
Namahayag ang mayor nga hayan dad-on sa taga-Iligan ang address sa Cagayan de Oro aron lamang makauli gikan sa pagka-stranded sa Visayas o kauluhan.
Dugtong niini,maapektuhan pagsamot ang kahimtang sa economic activities sa rehiyon tungod sa modified ECQ sa Iligan City.
Kini tungod sa pagsilbing highly urbanized city sa Iligan diin 17 porsiento sa economic operations ang nagikan kanila.
Miingon si NEDA asst regional director Leonila Cajarte nga dako’g epekto sa rehiyon ang nahitabo sa Iligan diin ipaubos sa usa ka bulan nga istriktong kuwarantinas.
Una nang nagtanyag sa tabang ang LGU-Cagayan de Oro aron maubsan ang kakulangon sa Iligan City batok sa pakig-away sa bayrus.
Una niini,anaa na sa mil-222 ka trabahante sa rehiyon ang nawad-an sa trabaho tungod sa permanent closure sa 45 ka business establishments epekto sa economic recession sa nasud.
