CAGAYAN DE ORO CITY – Misaka pa sa 22 ka pasyente ang nakabsan sa kinabuhi tungod sa gihambin nga COVID-19 sa dakbayan.
Kini human kompirmaha ni City Health Office head Dr Lorraine Nery nga dugang upat na usab sa ka pasyente ang namatay samtang nakigbatok sa maong sakit.
Gibutyag ni Nery nga anaa na usab sa 582 ang kaso tungod sa napuno nga 42 nga positibong pasyente sa miaging adlaw.
Giklaro usab sa opisyal nga sa 582,anaa na lamang sa 212 ang aktibong kaso samtang nagsaka pa sa 348 ang hingpit nangaulian sa maong balatian.
Samtang mitala na usab sa 29 ang death toll sa mga pasyente nga natakbuyan sa COVID-19 sa dakbayan sa Iligan.
Kini bisan kon sila gipaubos sa modified enhanced community quarantine o MGCQ tungod sa taas nga kaso sa local transmission sa coronavirus.
Gibutyag ni Iligan City Mayor Celso Regencia nga sa ilang 616 ka total cases gikan sa 34 ka apektadong brgy,anaa pa sa 151 ang aktibong kaso samtang 436 na sa mga pasyente ang nangaulian.
