CAGAYAN DE ORO CITY – Mitala na sa 57 ka pasyente ang nakalas nga infected sa COVID-19 nga nagsumikad sa Iligan City ug dinhi sa dakbayan sa Cagayan de Oro.
Kini human kompirmaha ni City Health Office head Dra Lorraine Nery nga sa 614 ka positibong kaso,26 kanila ang nakalas tungod sa nadugang duha kagahapong adlawa.
Gibutyag ni Nery nga hinoon anaa na usab sa 366 ka pasyente ang naka-rekober ug 242 na lamang ang aktibong kaso bayrus sa syudad.
Una nang gikompirmar sa Iliga City LGU nga anaa sa 31 ang namatay nila nga pasyente gikan sa ilang 661 ka kompirmadong kaso sa bayrus.
Samtang pangayu-on pa gihapon ni Iligan City Mayor Celso Regencia ang tabang nila ni City Mayor Oscar Moreno ug Gov Bambi Emano nga maka-avail sa testing laboratory services alang sa ilang mga positibong pasyente sa COVID-19.
Kini human magbaton ang Iligan City sa 661 ka positibong kaso ug 31 ang namatay gumikan sa bayrus.
Miingon ang mayor nga hangtod nga wala pa sila’y kaugalinong testing facilities batok bayrus,pabiling mosingit sila sa pasilidadis dinhi sa dakbayan.
