CAGAYAN DE ORO CITY – Gibasol karon ni City Mayor Oscar Moreno ang pagtapok-tapok sa mga tawo o pagtambong sa mga party nga usa sa tinubdan sa paspas nga pagsaka sa local transmission sa COVID-19 sa syudad.
Kini human misaka pa sa 909 ang kaso sa syudad diin 295 ang aktibo ug dunay 571 ang naka-rekober kontra sa balatian.
Miingon ang mayor nga gihimo na sa gobierno ang kutob sa makaya niini apan wala panumbalinga sa pipila ka residente ang minimum public health standards.
Dugtong niini,gipalig-on ni NMMC liason officer Dr Bernard Rocha ang apelar sa publiko human sila nasubo nga kapin 50 ka tawo gihapon ang nadakpan nga wala magsul-ob sa facemask ug faceshield ug wala mag-obserbar sa physical distancing.
Mi-angkon si Rocha nga samtang misulod na ang ting-ulan o rainy season, pakusgon sa mga commorbidities sa lawas ang epekto sa bayrus nga mag resulta sa paghuyang sa immune system ug ikamatay sa usa ka pasyente.
