CAGAYAN DE ORO CITY – Dismayado ug nawad-an na sa pagsalig si Gov Bambi Emano sa pipila ka milangkob sa regional IATF nga naglakip sa DILG-10.
Kini human iyang nasayran nga halos wala hatagi’g pagtagad sa DILG ang ilang resolusyon diin naghangyo nga isaka sa general community quarantine status sa Misamis Oriental aron minusan ang pagsaka sa kaso sa COVID-19.
Miingon si Emano nga miabot pa sa tulo ka semana ang nahatag nga aksyon ug didto sila gipasa sa opisina ni Defense Sec Delfin Lorenzana.
Una na usab gipamugos ni DILG -10 regional director Arnel Agabe sa usa sa mga virtual press briefing nga wala siya personal nakadawat sa maong dokumento.
