(Update) CAGAYAN DE ORO CITY – Kasub-anan ang nagpasulabi sa katawhan sa lungsod sa Jasaan,Misamis Oriental.
Kini tungod sa kamatayon sa pito ka tawo nga naglakip sa duha ka kagawad sa Brgy Amplaya sa maong lungsod kagabii.
Giila ni Jasaan Police Station commander Major Evary Bacunaua ang mga nangamatay nga sila si Wilfredo Capillador Jr,36 anyos,Lemuel Edorot,33 anyos,Serex Andumac,53,Justine Lagno,menor de edad nga pulos taga-Jasaan,Hilardo Montecillo,65 anyos, Jenny Montecello ug laing wala pa maila nga usa.
Gipaubos usab sa medikasyon ang Ariel Ampion ng Laguindingan town,Shiela Montecillo nga taga- Claveria,mag-agaw nga sila Jelson ug Christ King Emanel nga taga-Jasaan.
Gipa-ospital usab ang pahenante sa suspek nga si Dodong Maquiling kay gikulata sa mga tawo nga nasuko sa panghitabo.
Una nang naputol ang ‘chasis’ sa truck nga gipanag-iya ni Joselito Gupita hinungdan mikawan ang abante nga kabahin sa kabug-at sa bulldozer diin nagsilbing ‘stopper’ ang mga biktima nga miduyog sa pagbilar sa namatay nila nga silingan kagabii.
