CAGAYAN DE ORO CITY – Dili tugtan ni City Mayor Oscar Moreno nga ipagawas sa mga balay ang mga menor de edad aron manulod sa shopping malls ning syudad.
Kini bisan kon gimando na sa IATF national nga makagawas-gawas ang mga menor de edad sa mga lugar nga ubos sa modified general community quarantine sama sa dakbayan.
Miingon si Moreno nga hukom pa gyud gihapon sa matag-LGU ang motigbabaw aron kahatagan sa direktang proteksyon ang kabatan-unan nga dili matakdan sa COVID-19.
Una niini,anaa sa dili mominus 15 ka kaso sa bayrus sa syudad nga ang nalambigit kabataan diin ang pinakabata usa pa lamang ka bulan.
