CAGAYAN DE ORO CITY – Nasudlan na sa presensiya sa African Swine Flu o ASF ang duha ka brgy sa dakbayan ingo man lungsod sa Initao ug Manticao,Misamis Oriental.
Gikompirmar ni Dept of Agriculture -10 regional director Carlene Collado nga partikular nga nasudlan sa ASF kabarangayan sa Mambuaya ug San Simon ning syudad ingon man sa Jampason sa Initao ug Pagawan sa Manticao sukad pa sa miaging adlaw.
Namahayag ang opisyal nga tungod niini,may mga lakang na sila nga gihimo kuyog ang city ug provincial elected officials aron pugngan nga ang pagkuyanap pa sa ASF.
Ikatulo sa tibuok nasud ang Northern Mindanao nga pork producers nga ga-suplay usab sa kauluhan.
Samtang gihupay ni Northern Mindanao Hog Raisers Pres Leon Tan Jr ang kabalaka sa publiko nga mopaspas pa ang pagkuyanap sa ASF sa mga baboy dinhi sa syudad ug lalawigan.
Kini human nakasulod ang maong sakit sa lungsod sa Manticao ug Initao nga may nagresulta sa pugsanong pagpatay sa pipial ka baboy nga natakbuyan niini.
Miingon si Tan nga dili hog producing municipalities ang maong mga lungsod hinungdang dali ra kini masumpo nga makasulod sa ubang kalungsuran.
Maoy gikabalak-an sa grupo nga masudlan ang Bukidnon nga labing dako nga tinubdan sa mga karneng baboy alang sa rehiyon ug bisan sa kauluhan.
