CAGAYAN DE ORO CITY – Misaka pa sa walo ka brgy ang nasudlan sa African Swine Fever infections ang mga baboy dinhi sa dakbayan.Kini human positibo na sa ASF ang Puerto ug Tablon nga pulos anaa sa segundo distrito sa dakbayan.
Gibutyag ni City Information Office head Maricel Rivera nga gi-instablisar na usab sa incident mngt team ang ground zero alang sa maong mga brgy.
Naka-release na usab sa bana-banang milyon ka pesos nga tabang pinansyal sa mga apektadong brgy nga naglakip sa Indahag,Macasandig,Baikingon,Agusan,San Simon ug Mambuaya ning syudad.
Samtang napun-an sa duha barangay ang nasudlan sa African Swine Fever sa Misamis Oriental.
Gibutyag ni Provincial Veterinary Office head Dr. Benjie Resma nga maoy nadungang ang Brgy Digkilaan sa Manticao ug Brgy Oguis sa lungsod sa Initao.
Miingon si Resma nga ila nang gi-kordon ang maong lugar alang sa mga himoon nga lakang.
Samtang nanganti usab si Resma sa mga biyahidor nga dili na mangahas nga pagsulod sa lalawigan aron paliton nga mga barato ang mga baboy kay kompiskahon nila kini aron pugngan ang pagkuyanap sa ASF sa lalawigan.
Dugtong niini,mibalik na sa pagpamaligya sa karneng baboy ang pipila ka pork vendors sa Cogon Public Market ning syudad.
Gibutyag ni Marife Dacoco sa CEED nga sa 36 ka vendor anaa pa lang sa 10 ang mibalik pagpaninda epekto sa price cieling sa Dept of Agriculture epekto sa African Swine Fever nga nakasulod sa dakbayan.
Miingon si Dacoco nga gipili nga dili na lamang una mamaligya ang kadaghanan gumikan kay halos wala nay ginansya kung tumanon ang gilugwang P265 matag kilo nga price ceiling sa ahensiya.
Una nang nagpadala’g sulat ang pork vendors aron hangyoon ang DA nga susihon ang aktuwal nga pagtimbang sa mga baboy gikan sa suppliers ayha mabaligya sa mga konsumidor.
