CAGAYAN DE ORO CITY – Dili uyon si Misamis Oriental Provincial Health Officer Dr Jerie Calingasan nga mahimong diha-diha nga substitute lamang ang healthcare workers nga bakunahan gamit ang Sinovac nga gi-alokar sa DoH dinhi sa rehiyon.
Miingon si Calingasan nga mas maayo nga mohulat sila sa enskato nga alokasyon gikan sa national govt nga mga bakuna kaysa masilbing hulip lamang ngadto sa healthcare workers nga nagdumili magpabakuna.
Giangkon ni Calingasan nga nadismaya kini sa paagi sa DoH kabahin sa pagtratar sa healthcare workers sa probinsya.
Samtang sa pikas bahin,napaubos usab sa pagbakuna gamit ang Sinovac vaccines ang mga personahe sa JR Borja General Hospital ang ning syudad kagahapong adlawa.
Kini bisan kon dili apil sa priority list ang maong ospital subay sa nalatid sa listahan sa Dept of Health.
Apan gibutyag ni Dr. Maria Magdalena Juan, JRBGH OIC Chief of Hospital nga dako ang ilang pagpasalamat nga nahatagan sa pasiunang alokasyon.
Kini aron proteksyonan ang mga personahe nga nag-atiman sa mga positibong pasyente sa COVID-19 nga na admit sa maong ospital.
