CAGAYAN DE ORO CITY – Mihangyo si City Mayor Oscar Moreno nga mapaspasan ang vaccination rollout sa mga bakunang Sinovac ug Astrazeneca ngadto sa targeted frontliners partikular sa mga ospital dinhi sa syudad.
Kini human gusto ni Moreno nga maka-abante na sa laing priority list nga naglakip sa senior citizens ang pagpamakuna batok sa COVID-19.
Miingon ang mayor nga gusto niya makita nga magbaton sa lig-on nga tambayayong ang private ug DoH-10 supervised hospitals alang sa maong katuyuan.
Hisayrang daghang healthcare workers na ang nabakunahan gamit ang Sinovac vaccines samtang gisugdan na usab ang pag-rollout sa Astrazeneca sa city hospital ning syudad kagahapong adlawa.
