CAGAYAN DE ORO CITY – Dili makabasta-basta’g hatag aksyon si City Mayor Oscar Moreno nunot sa reklamo nga giingong sugod na nga nakadawat sa mga bahad sa kinabuhi ug gi-redtag ang organizer sa community pantry diha sa Pasil,Brgy Kauswagan ning syudad.
Kini human kabahin si Rene Principe Jr kinsa UP alumni nga nag-organisar sa maong bayanihan nga pagtabang sa mga residente nga nakasinati sa kalisod epekto sa pandemya nga dala sa COVID-19.
Miingon si Moreno nga maayo ang maong inisyatiba apan dili usab gilayon makahatag aksyon ilabina nga nagtoo siya nga trolls o walay klaro ang mihimo sa pagpadala’g mensahe kang Principe ning semanaha.
Samtang temporaryong naundang ang Community Pantry tungod sa pipila ka reklamo sa Brgy Kauswagan ning syudad kagahapong adlawa.
Gibutyag ni Kauswagan Kap Pedro Balite nga iyang pakigkitaan ang maong organizer nga usa ka cum laude graduate sa University of the Philippines.
Gibutyag ni Balite nga andam siyang mosuporta sa maong organizer kung ugaling maayo ang tumong niini.
