CAGAYAN DE ORO CITY – Nangayo karo’g hustisya ang pamilya sa usa ka seaman nga gipusil-patay sa mga pulis samtang nag-proseso unta sa iyang papele aron subli makasakay sa barko paggawas sa nasud.
Kini human naalaan ang biktima nga si 3rd Engr Edgardo Maluto,minyo nga taga-Cagayan de Oro nga maoy mipusil sa brgy kagawad sa Quiapo,Manila sa miaging adlaw.
Miingon ang kabanay nga si Mary Lou Maluto Panerio nga dili makamao mogamit sa armas ang biktima hinungdang imposible nga makahimo kini’g kremin.
Namahayag ang mga kabanay nga pangitaan nila’g hustisya ang kamatayon sa biktima kinsa unang na missing human sa hitabo.
Apan namahayag si Barbosa Police Station commander Lt Col Ramon Nazario nga misukol daw ang biktima hinungdan nga napusilan sa nag-responde nga kapolisan.
