CAGAYAN DE ORO CITY – Gikatag na sa Police Regional Office 10 ang ilang puwersa sa mga lugar nga dunay init nga bangi sa politika sa 2022 elections.
Gibutyag ni PRO 10 spokesperson Lt Col Michelle Olaivar nga gawas lamang sa Cagayan de Oro City,syudad sa Iligan ug Camiguin,may dugang mga pulis nga gipadala sa laing mga probinsya aron bantayan ang piliay.
Siya miingon nga samtang magkaduol ang eleksyon,lauman usab nga mapun-an ang mga lugar nga ipaubos nila sa hot spots dinhi sa rehiyon.
Samtang gikompirmar sa City Comelec Office nga walay bisan usa ka barangay sa syudad ang hatagan sa mas special nga atensyon sa nagkaduol nga piliay sa May 9.
Gibutyag ni City Election Officer Atty. Rowell Valledor nga tanang brgy ang ilang hatagan sa igo nga pagbantay alayon sa eleksyon ning tuiga.
Sa miaging 2019 elections,nabutang sa hot spot ang Cagayan de Oro tungod sa pagka-ambush sa usa ka brgy kagawad kaniadto.Samtang silyado sa kapolisan ang mga su-ok nga bahin ilabina ang mga barangay nga dunay presensya sa rebeldeng New People’s Army sa Misamis Oriental.
Gipaniguro ni 2nd Provincial Mobile Force Batallion commander Lt Col Mardi Hortillosa nga ilang mapug-ngan nga ilegal activities sa mga rebelde ilabina ang ilang extortion activities ubos sa “permit to win” ug “permit to campaign”.
Siya miingon nga naka-andam kanunay sa combat operation plan sa PNP kay nasayod na sila sa gihimong preparasyon sa mga rebelde nga kanunay musi-aw panahon sa piliay.
