CAGAYAN DE ORO CITY – Walay nakit-an ang kapolisan nga may ilhanan nga dunay foul play ang pagkamatayon sa usa ka ulitawo nga nagbuy-od sa semento nga bahin sa Gawad Kalinga Village,Verjaya,Brgy Camaman-an ning syudad kaganihang kadlawon.
Giila ni Police Staff Sgt Genesis Babanto,imbestigador sa Cogon Police Station ang biktima nga si Danilo Pabua Tedit, 51 anyos nga nagpuyo sa lugar.
Gibutyag ni Babanto nga giapas pa’g luwas sa mga paryente ang biktima apan wala na kini masalbar pa.
Gisugyot sa PNP nga ipaubos sa otopsiya ang patayng lawas sa biktima ron masuta ang hinungdan sa kamatayon niini.
